25 кастрычніка наш тэатральны калектыў з творчым “дэсантам” наведаў Івацэвіцкі раён. Артысты-аматары ў якасці ганаровых гасцей прынялі ўдзел у прэстыжным абласным фестывалі “Тэатральнае палессе – 2017”. Гасцінна, як добрых сяброў, сустракалі іх у аг. Квасевічы. Бурныя апладысменты, якія доўга не сціхалі ў глядзельнай зале Дома культуры, сведчылі аб тым, што гледачы атрымалі сапраўднае задавальненне ад акцёрскай ігры і захапляючай дзеі спектакля “Как предупредить инфаркт” па творах М.Варфаламеева і У.Палякова.