1 студзеня ў бібліятэцы ліцэя адбылося сапраўднае падарожжа – экскурс у краіну цудаў-ведаў “Папацей, грамацей!” (да 135-годдзя з дня нараджэння Я.Купалы і Я. Коласа). Удзельнікі і госці рабілі спробы “дапамагчы” Вялікім Песнярам дарыфмаваць радочкі іх вершаў, з задавальненнем разгадвалі загадкі, паэтычныя і музычныя, стваралі ўласныя бурымэ.

А на завяршэнне ─ атрымалі ў падарунак чарговыя Рэцэпты Шчасця і Здароўя, адзін з якіх ─ парады міні-лекторыя “Я−чытаю!!!”: жаданне яшчэ і яшчэ раз дапамагчы прысутным зразумець, што Чытанне “Жывой” Кнігі – адзіны від разумовай дзейнасці, які не толькі шліфуе інтэлект, а і аздараўляе!!! наш мозг, выконваючы функцыю “хуткай дапамогі” клетачкам шэрага рэчыва, ратуючы іх ад застою і хвароб (гэта бясспрэчная ісціна, даказаная вучонымі свету!!!).

Супрацоўнікі бібліятэкі выказваюць падзяку ўсім удзельнікам сустрэчы за актыўны ўдзел у мерапрыемстве, жаданне прадэманстраваць свае здольнасці, павучыцца ў Вялікіх Песняроў мудрасці жыццёвай, дабрыні, спагадлівасці, пачуццю гумару і здольнасці радавацца жыццю і яго дарункам…